अमरावती: अमरावती जिल्हा ग्रामीण भागात कलम 37(1) व (3) लागू, पोलीस अधीक्षक अमरावती यांचा आदेश जारी
जिल्ह्यात शांतता व सुव्यवस्था अबाधित राहावी, यासाठी पोलीस अधीक्षक (ग्रामीण), अमरावती यांनी म. पो. अ. 1951 चे कलम 37 (1) व (3) अन्वये प्रतिबंधात्मक आदेश जारी केला आहे. सदर प्रतिबंधात्मक आदेश जिल्ह्यातील कायदा व सुव्यवस्था अबाधित राहावी, याकरिता पोलिस आयुक्तालय परिक्षेत्र वगळून अमरावती जिल्ह्यातील ग्रामीण भागात लागू करण्यात आला असून दि. 23 ऑक्टोबर 2025 च्या मध्यरात्रीपर्यंत लागू राहील. या कलमाचा भंग केल्यास कडक कारवाई केली जाईल, अप्पर जिल्हा दंडाधिकारी अनिल भटकर यांनी कळविले आहे.