कामावरून काढून टाकल्याच्या तीव्र नैराश्यातून जळगाव येथील मू.जे. महाविद्यालयातील कंत्राटी कर्मचारी महेश भास्करराव सावदेकर (वय ५२, रा. देविदास कॉलनी) यांनी सोमवारी १७ नोव्हेंबर रोजी दुपारी ३ वाजता विषारी द्रव्य प्राशन करून आत्महत्या केली. या धक्कादायक घटनेमुळे जळगावात मोठी खळबळ उडाली असून, संतप्त नातेवाईकांनी मंगळवारी १८ नोव्हेंबर रोजी दुपारी १ वाजता थेट महाविद्यालयाच्या प्रांगणात मृतदेह आणून ठिय्या आंदोलन करत दोषी संस्थाचालकांवर कारवाई करण्याची मागणी तीव्र आक्रोश केला होता.