रायगड जिल्ह्यातील महाड व माणगाव तालुक्यातील काळ-कुंभे जलविद्युत प्रकल्पग्रस्तांच्या पुनर्वसन व प्रलंबित प्रश्नांबाबत मंत्री भरत गोगावले यांच्या पाठपुराव्यामुळे आज मंत्रालयात महत्त्वपूर्ण बैठक पार पडली. प्रकल्पग्रस्तांच्या अडचणींवर सकारात्मक तोडगा काढून प्रकल्पाला गती देण्याचे निर्देश बैठकीचे अध्यक्ष राज्याचे जलसंपदा व आपत्ती व्यवस्थापन मंत्री गिरीश महाजन यांनी दिले. या बैठकीस रोजगार हमी योजना व फलोत्पादन मंत्री भरत गोगावले यांची प्रमुख मार्गदर्शक उपस्थिती होती.