वरिष्ठ पोलीस निरीक्षक गोकुळ महाजन यांनी 27 ऑक्टोंबर ला सायंकाळी 6 वाजता दिलेल्या माहितीनुसार, पत्नी प्रियकरा सोबत फोनवर बोलताना पाहून पतीला राग अनावर झाला आणि त्याने लोखंडी फावड्याने वार करून तिचा खूनच केला. ही थरारक घटना पंचशील नगर येथे घडलेली आहे. खून केल्यानंतर पती घटनास्थळावरून फरार झाला परंतु पोलिसांनी आरोपीला अटक केली. मिळालेल्या माहितीवरून आरोपी आणि मृतक महिलेचाही पाच वर्षांपूर्वी प्रेम विवाह झाला होता. परंतु तिचे बाहेर एका युवकासोबत अनैतिक संबंध होते.