बालापूर नगरपरिषदेच्या अध्यक्षपदाच्या स्पर्धेला रंग; अधिकृत उमेदवार जाहीर न झाल्याने अनिश्चितता वाढली. अकोल्याच्या बालापूर नगरपरिषद निवडणुकीत अध्यक्षपदासाठी यंदा रंगतदार सामना पाहायला मिळत आहे. भाजप, काँग्रेस तसेच वंचित बहुजन आघाडी या प्रमुख पक्षांनी अद्याप अधिकृत उमेदवारांची घोषणा न केल्याने राजकीय वातावरणात चांगलीच उत्सुकता निर्माण झाली आहे. अनेक इच्छुक उमेदवार एबी फॉर्म मिळवण्यासाठी धावपळ करत असून, अंतिम उमेदवारी कोणाला मिळणार याकडे सर्वांचे लक्ष लागले आहे.