दिवाळी बोनस, अटल आवास घरकुल योजना व स्थगित कल्याणकारी योजनांच्या तात्काळ अंमलबजावणीसाठी अकोल्यात शेकडो बांधकाम कामगारांनी दिनांक 15 ऑक्टोबर रोजी सायंकाळी 6 वाजेपर्यंत धरणे आंदोलन केले. महाराष्ट्र इमारत व इतर बांधकाम कल्याणकारी मंडळाच्या कार्यालयासमोर झालेल्या या आंदोलनात विविध संघटनांचा सहभाग होता. प्रशासनाच्या वेळकाढूपणामुळे संतप्त झालेल्या कामगारांनी ५,००० रुपये दिवाळी बोनस, घरकुलासाठी ५ लाखांचे अनुदान, २८ योजना सुरू करणे, DBT सुविधा, निवृत्ती वेतन यांसह अनेक मागण्या मांडल्या.