खांदा कॉलनी परिसरातील रस्त्यांची अत्यंत दयनीय अवस्था झाली होती, ज्यामुळे नागरिकांना मोठ्या त्रासाला सामोरे जावे लागत होते. या समस्येची दखल घेत भारतीय जनता पार्टीच्या पदाधिकाऱ्यांनी पनवेल महानगरपालिकेशी पत्रव्यवहार करून सातत्याने पाठपुरावा केला होता. या पाठपुराव्याला यश आले असून संबंधित विभागाचे अधिकारी, कर्मचारी, ठेकेदार आणि भाजपच्या पदाधिकाऱ्यांनी आज रस्त्यांची संयुक्त पाहणी केली. या पाहणीनंतर लवकरच दुरुस्तीच्या कामास सुरुवात करण्यात येणार आहे.