अहिल्यानगर तालुक्यातील इसळक परिसरात पानसंबळ वस्तीवर पुन्हा बिबट्या आढळून आला आहे. ही घटना सीसीटीव्ही कॅमेऱ्यात कैद झाली आहे. बिबट्याकडून कुत्र्यांचा पाठलाग केला जात असल्याचे व्हिडीओ मध्ये दिसत आहे. त्यामुळे नागरिकांमध्ये घबराटीचे वातावरण पसरले असून, बिबट्याची दहशत कायम असल्याचे बोलले जात आहे. त्यामुळे वनविभागाने पिंजरा बसवावा, अशी मागणी ग्रामस्थांमधून होत आहे.