ସୋର ୟୁଏନ୍ କଲେଜ ପଡ଼ିଆଠାରେ ଆଜି ସୋର ଫୁଟବଲ ଆସୋସିଏସନ୍ ଆନୁକୂଲ୍ୟରେ ମମତାଜ୍ ହୁସେନ୍ ମେମୋରିଆଲ ଜାତୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦ୍ଘାଟିତ ହୋଇ ଯାଇଛି। ପଞ୍ଚଦିନିଆ ଏହି ଟୁର୍ଣ୍ଣାମେଣ୍ଟର ଆଜି ପ୍ରଥମ ଦିନରେ ପଶ୍ଚିମବଙ୍ଗ କୋଲାଘାଟ ଫୁଟବଲ କମିଟି ସହିତ ମୟୂରଭଞ୍ଜ ଏକାଦଶର ମୁକାବିଲା ହୋଇଥିଲା। ମୟୂରଭଞ୍ଜର କ୍ୟାପଟେନ୍ ନାଇଜେରିଆର ଇସମାଇଲ ପ୍ରଥମେ ଟସ୍ ଜିଣି କୋଲାଘାଟର କ୍ୟାପଟେନ୍ ଜ୍ୟୋତିର୍ମୟ ହେମରମ୍ଙ୍କୁ ଖେଳିବା ପାଇଁ ଆହ୍ୱାନ କରିଥିଲେ। ଏକ ଘଣ୍ଟାର ସମୟ ଅବଧିମଧ୍ୟରୁ ଏହି ଖେଳର ପ୍ରଥମାର୍ଦ୍ଧର ୧୪ ମିନିଟରେ ମୟୂରଭଞ୍ଜ ଟିମ ଗୋଟିଏ ଚମତ୍କାର ଗୋଲ ଦେଇ ବିଜୟୀ ହୋଇଥିଲେ।