नगरपरिषद निवडणुकीसाठी पोलीस दल 'अॅक्टिव्ह मोड'वर; शहरात कडक नाकाबंदी आणि ड्रोनची नजर! बहुप्रतीक्षित नगरपरिषद निवडणुकीची रणधुमाळी सुरू झाली असून, दिनांक २ डिसेंबर रोजी होणाऱ्या मतदानाच्या पार्श्वभूमीवर अहमदपूर पोलीस दल पूर्णपणे सज्ज झाले आहे. शहरात आचारसंहितेची कडक अंमलबजावणी करण्यासाठी पोलिसांनी 'अॅक्टिव्ह मोड' स्वीकारला असून, शहरावर आता सीसीटीव्ही आणि ड्रोनची करडी नजर असणार आहे, अशी माहिती उपविभागीय पोलीस अधिकारी अरविंद रायबोले यांनी दिली.