સુરત શહેરના લાલગેટ પોલીસ મથક વિસ્તારમાં આવેલ માછલીવાડમાં ગતરોજ નજીવી બાબતે સંબંધીઓ વચ્ચે ઝઘડો થયો હતો. જેમાં એક યુવાને તેમની કઝીન પરણીતાને સાથે શારીરિક અડપલા કરી તેના કપડાં ફાડી નાખ્યા હતા અને તેને તથા તેના પતિને ધમકી આપી હતી અને ઢીક મૂકીને માર પણ માર્યો હતો. જેથી આખરે ભોગ બનનાર પરણિતાને પોલીસ મથકમાં ફરિયાદ નોંધાવતા પોલીસે મારામારી સાથે છેડતીનો ગુનો દાખલ કરી આગળની કાર્યવાહી હાથ ધરી છે.