ଦୁଇ ହାତର ଶିରା କାଟି ଜଣେ ଯୁବକ ଆତ୍ମହତ୍ୟା ଉଦ୍ୟମ କରୁଥିବା ବେଳେ ଗୁରୁତର ଆହତ ହୋଇ ଚିକିତ୍ସାଧିନ ଥିବା ଜଣାପଡିଛି । ଗୁରୁତର ଆହତ ହୋଇଥିବା ଯୁବକ ଜାଳିସୁଆଁ ଗ୍ରାମର ବନ୍ଧୁ ମହାକୁଳଙ୍କ ପୁଅ ପ୍ରଦୀପ ମହାକୁଳ (୨୬) ବୋଲି ଜଣାପଡିଛି । ବିଜୟନଗର ଗ୍ରାମରେ ଏକ ଛତୁ ଫାର୍ମରେ ପ୍ରଦୀପ କାମ କରୁଥିବା ବେଳେ ଆଜି ସନ୍ଧ୍ୟାରେ ଏକ ଧାରୁଆ ଅସ୍ତ୍ର ଯୋଗେ ତାଙ୍କ ଦୁଇ ହାତର ଶିରା କାଟି ଆତ୍ମହତ୍ୟା ଉଦ୍ୟମ କରିଥିଲେ । ଫଳରେ ଉଭୟ ହାତରୁ ପ୍ରବଳ ରକ୍ତସ୍ରାବ ହେଉଥିବା ବେଳେ ଛତୁ ଫାର୍ମ ମାଲିକ ଏହା ଜାଣିବାକୁ ପାଇଥିଲେ ।