શાસ્ત્રીનગર ખાતે આવેલ હોન્ડાના વર્કશોપમાં એક્ટિવા સર્વિસ માટે ગયેલા ગ્રાહક પર હુમલો થયો હોવાનો મામલો સામે આવ્યો છે. સરદારનગર નિવાસી જીજ્ઞેશભાઈ રાજુભાઈ વઢવાએ સર્વિસ દરમિયાન બદલાયેલું જૂનું ઓઈલ પરત માંગતા વર્કશોપના કર્મચારી સાથે બોલાચાલી થઈ હતી. આરોપ છે કે બાદમાં કર્મચારીએ જીજ્ઞેશભાઈને પેટમાં પાટુ અને ઢીકા મારી માર માર્યો હતો. એટલું જ નહીં, તેમની ગાડી જપ્ત કરી ધક્કા મારી બહાર કાઢી મૂક્યા હતા. પોલીસને ફોન કરવાની વાત કરતા કર્મચારીએ ધમકી પણ આપી હતી.