కనిగిరి ఎమ్మెల్యే డాక్టర్ ముక్కు నరసింహారెడ్డి తెలుగుదేశం పార్టీ ప్రకాశం జిల్లా అధ్యక్షులుగా మంగళవారం నియమితులయ్యారు. సీఎం చంద్రబాబు ఎమ్మెల్యే ముక్కు ఉగ్ర నరసింహారెడ్డిని జిల్లా టిడిపి అధ్యక్షుడిగా ఖరారు చేశారు. ఇటీవల ఒంగోలుకు వచ్చిన రాష్ట్ర టిడిపి పరిశీలకులు జిల్లా టిడిపి అధ్యక్షుని ఎంపికపై పార్టీ నాయకులనుండి అభిప్రాయాలను సేకరించారు. సామాజిక సమీకరణాలు, పార్టీ పట్టిష్టత తదితర అంశాలను పరిగణలోకి తీసుకున్న టిడిపి అధిష్టానం ఉగ్ర నరసింహారెడ్డి పేరును ఖరారు చేసింది.