अकोला महानगरपालिका निवडणूक 2025 अनुषंगाने प्रारूप मतदार यादीवरील हरकती व सुचना स्वीकारण्यासाठी दि. 20 नोव्हेंबरपासून मनपा मुख्य सभागृहात प्रक्रिया सुरू आहे. आयुक्त व निवडणूक अधिकारी डॉ. सुनील लहाने यांनी 27 नोव्हेंबर रोजी दुपारी पाच वाजता भेट देऊन आढावा घेतला. आतापर्यंत 284 हरकती प्राप्त झाल्या असून 20 कर्मचारी कार्यरत आहेत. हरकतींची तपासणी करण्यासाठी 20 पथके नियुक्त करण्यात आली आहेत. प्रत्यक्ष भेट व स्थळनिरीक्षणाद्वारे हरकती निकाली काढण्याचे काम सुरू असल्याचे आयुक्तांनी सांगितले.