ଦେବଗଡ ଜିଲ୍ଲାରେ ପ୍ରବଳ ଶୀତର ଲହରୀ ଜାରି ରହିଛି।ସକାଳୁ ଏବଂ ସନ୍ଧ୍ୟାରେ ପ୍ରବଳ ଜାଡ ଯୋଗୁଁ ଜନ ଜୀବନ ଅସ୍ତବ୍ୟସ୍ତ ହୋଇପଡିଛି। ଆଜି ଦେବଗଡ ଜିଲ୍ଲାର ସର୍ବନିମ୍ନ ତାପମାତ୍ରା ୧୨.୮ ଡିଗ୍ରୀକୁ ଖସି ଆସିଥିବା ଜଣାପଡିଛି।ସକାଳୁ ଦୀର୍ଘ ସମୟ ପର୍ଯ୍ୟନ୍ତ କୁହୁଡି ରହୁଥିବାରୁ ଯାତାୟତରେ ମଧ୍ୟ ସମସ୍ୟା ଦେଖାଯାଉଛି । ଅନ୍ୟପଟେ ଆସନ୍ତାକାଲି ୨୦ ତାରିଖ ରୁ ୨୪ ତାରିଖ ପର୍ଯ୍ୟନ୍ତ ଦେବଗଡ ଜିଲ୍ଲାରେ ଶୀତ କମିବାର ସମ୍ଭାବନା ନଥିବା ବେଳେ ସର୍ବନିମ୍ନ ତାପମାତ୍ରା ୧୩ ଡିଗ୍ରୀ ଭିତରେ ରହିବା ନେଇ ଆଜି ଦିନ ପ୍ରାୟ ୪ ଟାରେ ଭୁବନେଶ୍ୱର ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି।