ಮೊಳಕಾಲ್ಮುರು: ಕೊಮ್ಮನಪಟ್ಟಿ ಗ್ರಾಮ ಸಮೀಪದಲ್ಲಿ ಕರಡಿಗೆ ಅಪರಿಚಿತ ವಾಹನ ಡಿಕ್ಕಿ
Molakalmuru, Chitradurga | Sep 15, 2025
ಮೊಳಕಾಲ್ಮುರು:-ತಾಲೂಕಿನಲ್ಲಿ ಹಾದು ಹೋಗಿರುವ 150 ಎ ರಾಷ್ಟ್ರೀಯ ಹೆದ್ದಾರಿಯ ಕೊಮ್ಮನಪಟ್ಟಿ ಸಮೀಪದಲ್ಲಿ ಸೋಮವಾರ ಬೆಳಿಗಿನ ಜಾವ ಅಪರಿಚಿತ ವಾಹನವೊಂದು ಡಿಕ್ಕಿ ಹೊಡೆದು ಗಂಡು ಕರಡಿಯೊಂದು ಸ್ಥಳದಲ್ಲಿಯೇ ಮೃತಪಟ್ಟಿದೆ. ಅಂದಾಜು ಎಂಟರಿಂದ ಹತ್ತು ವರ್ಷ ವಯಸ್ಸಿನ ಈ ಕರಡಿಯು ಆಹಾರ, ನೀರು ಹುಡುಕಿಕೊಂಡು ರಾಷ್ಟ್ರೀಯ ಹೆದ್ದಾರಿ ದಾಟುತ್ತಿರುವಾಗ ರಭಸವಾಗಿ ಬಂದ ವಾಹನವೊಂದು ಡಿಕ್ಕಿ ಹೊಡೆದಿದೆ ಎನ್ನಲಾಗಿದೆ. ಈ ಸಮಯದಲ್ಲಿ ಗಸ್ತಿನಲ್ಲಿದ್ದ 112 ಪೊಲೀಸರು ಅರಣ್ಯ ಇಲಾಖಾಧಿಕಾರಿಗಳಿಗೆ ಮೃತಪಟ್ಟ ಕರಡಿಯ ಮಾಹಿತಿ ನೀಡಿದ್ದಾರೆ.