तंत्रज्ञानाच्या युगात कृत्रिम बुद्धिमत्ता आणि गोपनीयतेचा अधिकार या विषयावरील कायदेशीर गुंतागुंत समजून घेण्यासाठी खांदा कॉलनी येथील जनार्दन भगत शिक्षण प्रसारक संस्थेच्या भागुबाई चांगू ठाकूर विधी महाविद्यालयात 'शास्त्रार्थ २.० मूट कोर्ट आणि जजमेंट रायटिंग स्पर्धा २०२६' चे आयोजन करण्यात आले आहे. या स्पर्धेच्या माध्यमातून भावी कायदेतज्ज्ञांनी आधुनिक तंत्रज्ञान आणि मूलभूत अधिकार यांच्यातील संघर्षावर प्रकाश टाकला. या सोहळ्यासाठी मुंबई उच्च न्यायालयाचे माजी न्यायमूर्ती गोविंद आनंदराव सानप आणि जनार्दन भगत शिक्षण प्रसारक संस्थेचे अध्यक्ष लोकनेते रामशेठ ठाकूर हे मुख्य अतिथी म्हणून उपस्थित होते.