नुकत्याच पार पडलेल्या नवी मुंबई महानगरपालिकेच्या सार्वत्रिक निवडणूका शांततेने व सुव्यवस्थित पध्दतीने पार पडल्या असून यामध्ये महानगरपालिका अधिकारी, कर्मचारी यांनी अतिशय चांगले योगदान दिले असल्याचे अधोरेखित करीत महापालिका आयुक्त डॉ.कैलास शिंदे यांनी सद्यस्थितीत सुरु असलेल्या महानगरपालिकेच्या प्रकल्प व सुविधा कामांचा विभागनिहाय आढावा घेतला. महापालिका मुख्यालयातील विशेष समिती सभागृहात सर्व विभागांच्या आढावा बैठकीप्रसंगी अतिरिक्त आयुक्त सुनिल पवार व डॉ. राहुल गेठे, शहर अभियंता शिरीष आरदवाड, मुख्य लेखा व वित्त अधिकारी सत्यवान उबाळे, प्रशासन विभागाचे उपआयुक्त किसनराव पलांडे व इतर विभागप्रमुख, विभाग अधिकारी, कार्यकारी अभियंता उपस्थित होते.