ଆନନ୍ଦପୁର: ହାଟଡିହି, ଛେନାପଦି ଅଞ୍ଚଳରେ ଲଷ୍ମୀ ପୂଜାର ପୂର୍ଣ୍ଣାହୁତି, ଯୋଗଦେଲେ ହଜାର ହଜାର ଶ୍ରଦ୍ଧାଳୁ
ହାଟଡିହି, ଛେନାପଦି ଅଞ୍ଚଳରେ ୧୦ଟି ମଣ୍ଡପରେ ଚାଲିଥିବା ମା ଗଜଲଷ୍ମୀ ପୂଜାର ଆଜି ପୂର୍ଣ୍ଣାହୁତି ହୋଇଛି। ପ୍ରଥମ ତିନିଦିନ ବର୍ଷା ଲାଗିରହିବା ପରେ ଚାରିଦିନ ଧରି ଭଲ ପାଗ କରିବାରୁ ଦର୍ଶକଙ୍କ ଭିଡ଼ ଜମିଛି। ଛେନାପଦି ଛକ ଠାରୁ ଆରମ୍ଭ କରି ଅଣା, ହାଟଡିହି, ଜଳକଳଙ୍ଗ ପର୍ଯ୍ୟନ୍ତ ରାସ୍ତାକୁ ସୁନ୍ଦର ଆଲୋକ ମାଳାରେ ସୁସଜିତ କରାଯାଇ ଥିବା ବେଳେ ପ୍ରତି ପୂଜା ମଣ୍ଡପ ନିକଟରେ ବିଭିନ୍ନ ପ୍ରକାରର ଦୋକାନ ବଜାର ବସି ଥିବାରୁ ଲୋକଙ୍କ ଗହଳି ହେଉଛି। ଆଜି ଦିନ୪ଟା ରୁ ରାତି ୯ଟା ପର୍ଯ୍ୟନ୍ତ ପୂର୍ଣ୍ଣାହୁତି ପୂଜା ହୋଇଛି।