भंडारा: दारूच्या नशेत 65 वर्षीय वृद्धाची जनावरांच्या गोठ्यात गळफास घेऊन आत्महत्या; उसरीपार येथील घटना
Bhandara, Bhandara | Sep 14, 2025
भंडारा तालुक्यातील उसरीपार गावात दारूच्या व्यसनाने एका 65 वर्षीय वृद्धाचा जीव घेतला. बाबुराव दयाराम मते (वय 65, रा. उसरीपार) यांनी शेळ्यांच्या गोठ्यात गळफास घेऊन आत्महत्या केल्याची घटना समोर आली आहे. या घटनेने परिसरात हळहळ व्यक्त होत आहे. ही घटना दि. 12 ते 13 सप्टेंबर च्या रात्री दरम्यान घडली. दारूचे व्यसन असलेले बाबुराव मते 12 सप्टेंबर रोजी दारू पिऊन घरी आले. त्यांची मुलगी त्यांना जेवण देण्यासाठी गेली, पण त्यांनी जेवण केले नाही आणि तसेच झोपी गेले.