ଖଣ୍ଡୋକଟା ଠାରେ ଆୟୋଜିତ ହେବାକୁ ଯାଉଥିବା ୩୫ତମ ପ୍ରସିଦ୍ଧ ଧନୁଯାତ୍ରାର 'ଶୁଭ ସ୍ତମ୍ଭ ସ୍ଥାପନ' ଉତ୍ସବ ରବିବାର ଦିନ ଅନୁଷ୍ଠିତ ହୋଇଯାଇଛି। ଗ୍ରାମ ପୀଠ ମନ୍ଦିରରେ ପାରମ୍ପରିକ ରୀତିନୀତି ଅନୁଯାୟୀ ପୂଜାର୍ଚ୍ଚନା ପରେ ଶ୍ରଦ୍ଧାଳୁ ଓ ଗ୍ରାମବାସୀଙ୍କ ଗହଣରେ ଧନୁଯାତ୍ରା ପଡ଼ିଆଠାରେ ଶୁଭ ସ୍ତମ୍ଭ ସ୍ଥାପିତ ହୋଇଥିଲା। ଆସନ୍ତା ୨୮ ତାରିଖରୁ ୧ ତାରିଖ ପର୍ଯ୍ୟନ୍ତ ଏହି ଭବ୍ୟ ପର୍ବ ଅନୁଷ୍ଠିତ ହେବ ବୋଲି ସନ୍ଧ୍ୟା ୫ ଟାରେ ସୂଚନା ପ୍ରଦାନ କରାଯାଇଛି। ଏହି ଅବସର ରେ ମନ୍ତ୍ରୀ ରବି ନାରାୟଣ ନାଏକ ଯୋଗ ଦେଇ ମାନ୍ଦଳ ର ତାଳେ ତାଳେ ନୃତ୍ୟ କରିଥିଲେ।