भंडारा नगर परिषदेच्या निवडणुकीमुळे शहराचे राजकारण सध्या तापले असून विविध पक्षांचे उमेदवार एकमेकांवर टीकास्त्र सोडताना दिसत आहेत. मात्र, राजकारणातील मतभेद बाजूला ठेवत एक वेगळाच दृश्य श्री बहिरंगेश्वर मंदिरात आयोजित देवदिवाळीच्या कार्यक्रमात बघायला मिळाले. नगराध्यक्षपदाच्या काँग्रेस उमेदवार जयश्री बोरकर, भाजप उमेदवार मधुरा मदनकर, आणि शिवसेनेच्या उमेदवार अश्विनी भोंडेकर या तिन्ही प्रमुख प्रतिस्पर्धी उमेदवार यावेळी एकाच वेळी, एकाच ठिकाणी श्री बहिरंगेश्वर महाराजांना साकडे घालताना दिसल्या.