ಹುಬ್ಬಳ್ಳಿ: ಹಣ ಹೂಡಿಕೆ ಮಾಡಿದರೆ ಹೆಚ್ಚು ಹಣ ಗಳಿಸಬಹುದು ಎಂದು ಧಾರವಾಡ ಮೇಘನಾ ನಾಯಕ ಎಂಬುವರಿಗೆ ಅಪರಿಚಿತರು ೯.೮೫ ಲಕ್ಷ ರೂ. ವಂಚಿಸಿದ ಪ್ರಕರಣ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ. ಮೇಘನಾ ಅವರು ಟೆಲಿಗ್ರಾಮ್ ನೋಡುತ್ತಿದ್ದಾಗ ವರ್ಕ್ ಫ್ರಾಮ್ ಹೊಮ್ ಇರುವ ಜಾಹೀರಾತು ನೋಡಿ ಕ್ಲಿಕ್ ಮಾಡಿದ್ದಾರೆ. ಆಗ ಅವರನ್ನು ಟೆಲಿಗ್ರಾಮ್ ಗ್ರೂಪ್ಗೆ ಸೇರಿಸಿದ್ದು, ಕೆಲವೊಂದು ಐಶಾರಾಮಿ ಹೋಟೆಲ್, ಕೆಫೆ ಹಾಗೂ ರೆಸ್ಟೋರೆಂಟ್ ಲೈಕ್ ರಿವ್ಯೂ ಹಾಗೂ ಸ್ಟಾರ್ ರೇಟಿಂಗ್ ನೀಡಿದರೆ ಹಾಗೂ ಹಣ ಹೂಡಿಕೆ ಮಾಡಿದರೆ ಹಣ ಗಳಿಸಬಹುದು ಎಂದು ನಂಬಿಸಿ ಹಣ ವರ್ಗಾಯಿಸಿಕೊಂಡು ವಂಚಿಸಿದ್ದಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.