ଏସଓପିରେ ସାମାଜିକ ନାଟକ ଅନୁମୋଦନ। ଦୂର ହେଲା ଦ୍ଵନ୍ଦ ,କଳାକାର ମହଲରେ ଖୁସି ।ଦଣ୍ଡନାଚ ସଂଗଠନ, ନିର୍ଦ୍ଦେଶକ ସଂଘ,କଳାକାର ସଂଘ,ଚିତ୍ରାଳୟ ସଂଘ ସହ ଅନ୍ୟ ଅନୁଷ୍ଠାନର ଶତାଧିକ କର୍ମକର୍ତ୍ତା ସୋମବାର ପୂର୍ବାହ୍ନରେ ଛତ୍ରପୁର ସ୍ଥିତ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ପହଞ୍ଚିଥିଲେ । ସମସ୍ତଙ୍କ ତରଫରୁ ଏକ ୧୨ ଜଣିଆ ପ୍ରତିନିଧି ଦଳ ଆଲୋଚନା ପାଇଁ ଯାଇଥିଲେ। ଜିଲ୍ଲା ପ୍ରଶାସନର ଏସଓପି ମାନି ସମସ୍ତେ ଅପସଂସ୍କୃତି,ଦ୍ଵିଅର୍ଥ ବୋଧକ ଶବ୍ଦ ଓ ନଗ୍ନତା ବିହୀନ ଦଣ୍ଡନାଚ କରି ଦଣ୍ଡନାଚ ପରମ୍ପରାକୁ ଅଧିକ ବିକଶିତ କରିବୁ ବୋଲି ଅତିରିକ୍ତ ଜିଲ୍ଲାପାଳଙ୍କ ନିକଟରେ କହିଥିଲେ।