लातूर: ओबीसी विद्यार्थ्यांसाठी प्रत्येक जिल्ह्यात वसतिगृह उभारणीची मागणी,विद्यार्थ्यांना निवास–भोजन भत्ता सुरू करा, आ. देशमुख
लातूर -राज्यातील इतर मागासवर्गीय (ओबीसी) विद्यार्थी व विद्यार्थिनींसाठी शासकीय वसतिगृह उभारणीचे उद्दिष्ट अद्याप अपूर्ण असल्याबद्दल राज्याचे माजी मंत्री आणि आमदार अमित विलासराव देशमुख यांनी हिवाळी अधिवेशनात तारांकित प्रश्नाद्वारे मुद्दा उपस्थित केला. महाराष्ट्रातील प्रत्येक जिल्ह्यात १०० विद्यार्थी व १०० विद्यार्थिनी (एकूण २००) क्षमतेचे वसतिगृह उभारण्याचे उद्दिष्ट होते; ते किती साध्य झाले आहे, असा प्रश्न त्यांनी सभागृहात विचारला.