आगामी जालना जिल्हा परिषद व पंचायत समिती निवडणुकीसाठी भारतीय जनता पक्षाने तालुकावारी तयारीचा वेग वाढवला आहे. मंगळवार दि. 18 नोव्हेंबर 2025 रोजी सायंकाळी 6 वाजता मिळालेल्या माहितीनुसार परतूर-मंठा विधानसभा मतदारसंघाचे आमदार बबनराव लोणीकर यांनी मंठा तालुक्यातील जयपूर व तळणी या दोन महत्त्वाच्या जिल्हा परिषद गटांमध्ये कार्यकर्ते आणि इच्छुक उमेदवारांसोबत संवाद साधून निवडणूक तयारीचा आढावा घेतला. सकाळी कोकरसा येथील कोकेश्वरी मंगल कार्यालयात जयपूर जिल्हा परिषद गटाची बैठक झाली.