ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ରିନବଚନ ପଞ୍ଚାୟତ କାର୍ଯ୍ୟାଳୟ ପରିସରରେ ପଞ୍ଚାୟତ ସ୍ତରୀୟ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ସରପଞ୍ଚ ପ୍ରମିଳା ଦୋରାଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ମୁଖ୍ୟଅତିଥି ଭାବେ ବିଡିଓ କୁଲଦୀପ ମହାନ୍ତି ଯୋଗଦେଇ ଲୋକଙ୍କ ଅଭିଯୋଗ ଶୁଣିଥିଲେ। ସମୁଦାୟ ୬ଟି ଅଭିଯୋଗ ମନରେଗା, ରାସନ କାର୍ଡ, ଜମି ଉନ୍ନତିକରଣ ଓ ଆବାସ ଗୃହ ସମ୍ପର୍କିତ ଥିଲା। ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ। ଶେଷରେ ସରପଞ୍ଚ ଧନ୍ୟବାଦ ଜଣାଇ ସଭାକୁ ଆଜି ଅପରାହ୍ନ 3ଟା ସମୟରେ ସମାପ୍ତ କରିଥିଲେ।