દિવાળીની મોડી રાત્રે જુનાગઢના મધુરમ રોડ પર ફટાકડા ફોડવા જેવી નજીક બાબતે થયેલી માથાકૂટમાં થયેલ હત્યા મામલે મૃતકના બહેનનું નિવેદન સામે આવ્યું છે. ભાઈ બીજ ના તહેવારે એકના એક ભાઈને ગુમાવનાર મૃતકની બહેન જલ્પાબેન ભુવાએ જણાવ્યું હતું કે આજના દિવસનું મને બહુ જ દુઃખ થાય છે કે આજે ભાઈબીજ છે અને મારો ભાઈ અમારી વચ્ચે નથી. સરકારને વિનંતી કે આ આરોપીઓને ફાંસી આપવામાં આવે. અમારે ન્યાય જોઈએ છીએ. ન્યાય નહીં મળે તો અમારું આખું કુટુંબ અન્નજળનો ત્યાગ કરી ધરણા કરીશું.