निवडणुकीच्या अनुषंगाने धुळे पोलिसांनी शहरात विशेष धडक मोहीम राबवली. पोलीस अधीक्षक श्रीकांत धीवरे यांच्या निर्देशानुसार व API प्रशांत महाले यांच्या नेतृत्वाखाली संतोषी माता चौक, 12 पत्थर आणि मामलेदार कचेरी परिसरात नाकाबंदी करून 500–700 वाहनांची तपासणी झाली. नियमभंग करणाऱ्या 250 वाहनधारकांवर कारवाई करून दीड लाखांचा दंड वसूल करण्यात आला. कायदा-सुव्यवस्था राखण्यासाठी वाहतूक नियमांचे पालन करण्याचे आवाहन पोलिसांनी केले.