संत गाडगे बाबा ग्राम स्वच्छता अभियानांतर्गत विभाग स्तरीय तपासणीदरम्यान, स्वच्छतेच्या कामात सातत्य ठेवण्याचे आवाहन विभागीय अप्पर आयुक्त (विकास) सुषमा देसाई यांनी केले. शुक्रवार दि. 14 नोव्हेंबर 2025 रोजी सायंकाळी 5 वाजता मिळालेल्या माहितीनुसार घनसावंगी तालुक्यातील रामसगाव व मानेपुरी ग्रामपंचायतींची तपासणी करताना त्या बोलत होत्या. सन 2023-24 मध्ये संत गाडगे बाबा ग्राम स्वच्छता अभियानात जिल्हास्तरीय प्रथम व द्वितीय क्रमांक मिळवलेल्या ग्रामपंचायतींची विभागीय तपासणी पुरस्कारासाठी केली जाते.