स्थानिक समता नगर परिसरात अवैधरित्या गोवंश जातीच्या गोऱ्याची कत्तल करून मांस विक्री करणाऱ्या इसमावर स्थानिक गुन्हे शाखेने छापा टाकून अटक केली आहे. २४ डिसेंबर रोजी सकाळी ७:३० ते ९ वाजताच्या दरम्यान मिळालेल्या गुप्त माहितीवरून सहाय्यक पोलीस निरीक्षक शिरीष नवनाथ भालेराव व त्यांच्या पथकाने मौजा समता नगर येथे पंचासह रेड केली. या कारवाईत आरोपी रोहित शफी शेख (३९, रा. वॉर्ड क्र. ०५, अड्याळ) हा स्वतःच्या आर्थिक फायद्यासाठी गोवंशाची कत्तल करून मांस विक्री करताना रंगेहात मिळून आला.