धुळे शहरातील नगावबारी परिसरातील केदार ड्रम सिटी, प्लॉट नं. २४ येथे घरासमोर लावलेली हिरो होंडा शाइन कंपनीची दुचाकी चोरीला गेल्याची घटना उघडकीस आली आहे. याप्रकरणी, दुचाकीचे मालक दीपक वामन पवार यांनी दिलेल्या फिर्यादीवरून पश्चिम देवपूर पोलीस ठाण्यात अज्ञात चोरट्याविरोधात गुन्हा दाखल करण्यात आला आहे. चोरी झाल्याचे लक्षात आल्यानंतर पवार यांनी दुचाकीचा सर्वत्र शोध घेतला, मात्र ती कुठेही मिळून न आल्याने अखेर त्यांनी २४ ऑक्टोबर रोजी दुपारी दोन वाजेच्या सुमारास पोलीस ठाण्यात तक्रार दाखल केली.