ବାମରା ବ୍ଲକ କୁଟାରିମାଲ ପଞ୍ଚାୟତ ଅନ୍ତର୍ଗତ ରଘୁନାଥପାଲି ଗ୍ରାମରେ ଚାଲିଥିବା ରାହାସ ଯାତ୍ରା ଉଦଯାପିତ ହୋଇଯାଇଛି। ଗ୍ରାମ୍ୟ ଗୌନ୍ତିଆଙ୍କ ଘରୁ ରାଧାକୃଷ୍ଣଙ୍କ ଅସ୍ଥାୟୀ ବିଗ୍ରହକୁ ପାରମ୍ପରିକ ରୀତିନୀତି ଅନୁସାରେ ପୂଜା କରି, ପରେ ଭଜନ କୀର୍ତ୍ତନ ସହ ଏକ ଶୋଭାଯାତ୍ରାରେ ଯାତ୍ରାମଣ୍ଡପ ପର୍ଯ୍ୟନ୍ତ ଯାଇ ସ୍ଥାପନ କରାଯାଇଥିଲା। ସେଠାରେ କୁଟାରିମାଲର ପୁରୋହିତ ଗୌରାଙ୍ଗ ତ୍ରିପାଠୀ ପୂଜାର୍ଚ୍ଚନା କରିଥିଲ । ଏହି ଅବସରରେ ନୃତ୍ୟଗୀତ ସମେତ ମେଲୋଡି, ପାଲା, ନାଟକ ଆଦି ପରିବେଷଣ କରାଯାଇଥିଲା। ମନୋରଞ୍ଜନ କାର୍ଯ୍ୟକ୍ରମ ଦେଖିବା ପାଇଁ ଶହ ଶହ ସଂଖ୍ୟାରେ ଦର୍ଶକ ରୁଣ୍ଡ ହୋଇଥିଲେ।