अवैध धंद्यांविरुद्ध कंबर कसलेल्या नरखेड पोलिसांनी शुक्रवारी मोठी कारवाई करत सुगंधित तंबाखूची तस्करी उघडकीस आणली आहे. या कारवाईत पोलिसांनी स्कॉर्पिओ वाहनासह तब्बल ७ लाख ७ हजार ९०० रुपयांचा मुद्देमाल जप्त केला असून दोन आरोपींना बेड्या ठोकल्या आहेत.मिळालेल्या माहितीनुसार, नरखेड पोलीस पथक परिसरात पेट्रोलिंग करत असताना गुप्त बातमीदाराकडून माहिती मिळाली की, एका वाहनातून प्रतिबंधित सुगंधित तंबाखूची वाहतूक केली जात आहे.