ବଲାଙ୍ଗୀର : ଭୁତଳ ଜଳ ବିଭାଗରେ ଦୀର୍ଘ ଦୁଇ ବର୍ଷ ଧରି ଚାଲିଆସୁଥିବା ଅନୈତିକ ଅବହେଳା, ଶୋଷଣ ଓ ଅଧିକାରୀମାନଙ୍କ ଦାୟିତ୍ୱହୀନ ଆଚରଣ ବିରୋଧରେ ଆଜି ବଲାଙ୍ଗୀର ଜିଲ୍ଲା ଡିଭିଜନ କାର୍ଯ୍ୟାଳୟ ସମ୍ମୁଖରେ ହିତାଧିକାରୀମାନେ ଧାରଣା ଦେଇଛନ୍ତି । ଏହି ଧାରଣା ତପନ କୁମାର ହୋତାଙ୍କ ନେତୃତ୍ୱରେ ହେଉଛି, ଯିଏ ଭୁତଳ ଜଳ ବିଭାଗର ଏକ Consultant ଭାବେ କାର୍ଯ୍ୟରତ । ତାଙ୍କ ଅଭିଯୋଗ ଅନୁସାରେ, ଡିଭିଜନାଲ ଓ ଖଣ୍ଡିୟ ଅଧିକାରୀମାନେ ହିତାଧିକାରୀଙ୍କୁ ସହାୟତା ରାଶି ପ୍ରଦାନରେ ଦୀର୍ଘଦିନ ଧରି ଅବହେଳା କରୁଛନ୍ତି ଏବଂ ଏହାର ନିଜସ୍ୱ ଲାଭ ପାଇଁ ବିଳମ୍ବ କରାଯାଉଛି ।