जालन्यात मतदान कर्मचाऱ्यांच्या प्रशिक्षणाला गैरहजर राहिलेल्या 35 कर्मचाऱ्यांना कारणे दाखवा नोटीस बजावण्यात आली आहे. जालन्यात एक दिवसीय मतदान केंद्राध्यक्ष आणि मतदान अधिकाऱ्यांचे प्रशिक्षण आयोजित करण्यात आले होते. या प्रशिक्षणासाठी 1 हजार 855 पैकी 1 हजार 820 कर्मचाऱ्यांनी उपस्थिती लावली. तर एकूण 35 अधिकारी व कर्मचारी या प्रशिक्षणासाठी अनुपस्थित राहिले. त्यामुळे प्रशासनाने कडक भूमिका घेत संबंधित कर्मचाऱ्यांना कारणे दाखवा नोटीस बजावली आहे.