वाशिम: झेंडूच्या फुलांना मातीमोल भाव,पावसाने केला घात!, झेंडूची फुले रस्त्याच्या कड्याला सोडून शेतकऱ्यांनी घराकडे केले प्रयाण
दिपावली मुळे वाशिम शहरातील बाजारपेठ गजबजलेली होती. डॉ. बाबासाहेब आंबेडकर चौक परिसर, पाटणी चौक परिसर व छत्रपती शिवाजी महाराज चौक परिसरात रस्त्याच्या कडेला झेंडूच्या फुलांची विक्री करणारे बहुतांश शेतकरी फुलांची विक्री करत होते. झेंडूच्या फुलांचे भाव , सकाळी 25 ते 30 रुपये, दुपारी 20 रुपये, व चार वाजेनंतर 10 रुपये याप्रमाणे मातीमोल भावात विकल्या जात होते. अशातच सायंकाळी पाच वाजे दरम्यान , जोरदार पाऊस सुरू झाला. यामुळे वाशिम बाजारपेठेत सगळ्यांची धावपळ झाली.