जिल्हा परिषद व पंचायत समिती निवडणुकीच्या रणधुमाळीत आता चांगलाच रंग चढला असून पनवेल तालुक्यातील प्रतिष्ठेच्या मानल्या जाणाऱ्या गव्हाण जिल्हा परिषद मतदारसंघात विरोधकांकडून भाजप महायुतीच्या विरोधात जाणीवपूर्वक अपप्रचार सुरू असल्याचा आरोप भाजपचे ज्येष्ठ नेते व माजी नगराध्यक्ष जे. एम. म्हात्रे यांनी केला आहे. ते म्हणाले की, “प्रत्येक गावात चांगले काम पाहून अस्वस्थ होणारे काही विघ्नसंतोषी लोक असतात. आमच्या गावातही अशीच काही मंडळी असून ती चुकीची माहिती पसरवत आहेत.