जालन्यातील जिल्हा सामान्य रुग्णालय, जालना येथे ख्रिसमसच्या निमित्ताने रुग्णांना मायेची उब देणारा उपक्रम राबविण्यात आला. मंगळवार, दिनांक 23 डिसेंबर 2025 रोजी सकाळी 11 वाजता जिल्हा शल्य चिकित्सक डॉ. राजेंद्र पाटील आणि अतिरिक्त जिल्हा शल्य चिकित्सक डॉ. राजेंद्र गाडेकर यांच्या हस्ते रुग्णांना ब्लँकेटचे वाटप करण्यात आले. हा उपक्रम जिल्हा सामान्य रुग्णालयातील स्टाफ नर्स यांच्या वतीने दरवर्षी राबविला जात असून, यावर्षीही शेकडो रुग्णांना त्याचा लाभ झाला. यासाठी अनिता भालतीलक पुढाकार घेतात.