ગોધરા: ગોધરા શહેરના ભુરાવાવ વિસ્તારમાં કારમાં આગ લાગતા અફરાતફરી મચી ગઈ હતી, ફાયર વિભાગે આગ પર કાબુ મેળવતા લોકોને હાશકારો.
ગોધરાના ભુરાવાવ વિસ્તારમાં રવિવારે બપોરે એક કારમાં અચાનક આગ લાગી, જેને કારણે અફરાતફરી મચી ગઈ. પ્રાથમિક રીતે શોર્ટ સર્કિટ આગનું કારણ માનવામાં આવે છે. કાર ચાલકનો સદભાગ્યે આબાદ બચાવ થયો, જેથી જાનહાનિ ટળી. ઘટના જાણ થતાં જ ફાયર બ્રિગેડ તાત્કાલિક પહોંચી આગ પર કાબુ મેળવ્યો. આસપાસ લોકોના ટોળા ભેગા થતાં થોડા સમય માટે ટ્રાફિક પર અસર પડી. હાલ પરિસ્થિતિ નિયંત્રણમાં છે અને આગના ચોક્કસ કારણોની તપાસ ચાલી રહી છે.