కళ్యాణదుర్గం: నారాయణపురం గ్రామంలో ఉపాధి హామీ పథకంలో అవినీతి, అక్రమాలకు పాల్పడుతున్న ఉపాధి హామీ సిబ్బంది
Kalyandurg, Anantapur | Sep 17, 2025
కళ్యాణదుర్గం మండలం నారాయణపురం గ్రామంలో ఉపాధి హామీ పథకంలో అవినీతి, అక్రమాలకు ఉపాధి హామీ సిబ్బంది పాల్పడుతున్నారని గ్రామస్తులు బుధవారం ఆరోపించారు. ఉపాధి హామీ సిబ్బంది జేసీబీ ల సాయంతో పనులు చేయించి వాటిని కూలీలు చేయించినట్లు మాస్టర్లో నమోదు చేసి బిల్లులు డ్రా చేసుకుంటున్నారు. బోగస్ కూలీల పేర్లతో పనులు చేయకపోయినా చేసినట్లు సిబ్బంది బిల్లులు డ్రా చేసుకుంటున్నారని గ్రామస్తులు ఆరోపిస్తున్నారు. ఉపాధి హామీ పీడీ, ఎంపీడీవో స్పందించి ఈ ఘటనపై లోతుగా విచారణ చేసి సంబంధిత ఉపాధి సిబ్బందిపై చర్యలు తీసుకోవాలని గ్రామస్తులు డిమాండ్ చేశారు.