धुळेतील तिसऱ्या पुलाशेजारील सिद्धेश्वर गणपती मंदिराजवळ ‘भारत रत्न गार्डन’ उभारण्यात येणार आहे. या जागेची आमदार अनुप अग्रवाल यांनी पाहणी करून आराखड्याबाबत आर्किटेक्ट आणि मनपा अधिकाऱ्यांशी चर्चा केली. यावेळी ‘बाल ब्रह्मचारी सीदाजी आप्पा चौक’च्या कामालाही गती देण्याचे निर्देश त्यांनी दिले. हे गार्डन पूर्ण झाल्यानंतर धुळेकरांसाठी नवीन आकर्षण ठरेल, असा विश्वास आमदार अग्रवाल यांनी व्यक्त केला.