धुळ्यातील पारोळा रोडवर प्रशासनाच्या निष्काळजीपणामुळे एक मोठी दुर्घटना होता होता टळली. कृषी उत्पन्न बाजार समितीमधून नागपूरकडे निघालेला एक मालवाहू ट्रक, शेतकरी पुतळ्याजवळ रस्त्याच्या निकृष्ट कामामुळे एका मोठ्या खड्ड्यात अडकून एका बाजूला पूर्णपणे झुकला. या रस्त्यावर सुरू असलेल्या नालीच्या कामासाठी खोदलेले खड्डे व्यवस्थित न बुजवल्याने ही गंभीर परिस्थिती निर्माण झाली. सुदैवाने, ट्रक पलटी झाला नाही, त्यामुळे मोठी जीवितहानी टळली.