लाखनी येथील पिंपळगाव सडक जवळील राष्ट्रीय महामार्ग ५३ वर इंडियन ऑईल पेट्रोल पंपाजवळ एका भरधाव अल्टो ८०० कारचा भीषण अपघात झाला, ज्यात नागपूर येथील चालक उत्तम रामचंद्र बोरकर (५३) हे गंभीर जखमी झाले आहेत. मिळालेल्या माहितीनुसार, चालक उत्तम बोरकर हे आपल्या ताब्यातील एम.एच. ४९ यु-२३८३ क्रमांकाच्या कारने नागपूरकडे जात असताना, त्यांनी मद्याच्या नशेत वाहन अतिवेगात व निष्काळजीपणे चालवून रस्त्याशेजारील नाल्याचा एक भाग ओलांडून दुसऱ्या बाजूला कार पलटी केली.