ଗାନ୍ଧି ଷ୍ଟେଡିଅମ, ବଲାଙ୍ଗୀରରେ ଆସନ୍ତା କୁଚ ବିହାର ଟ୍ରଫି ଅନ୍ତର୍ଗତ ଓଡିଶା ଓ ହିମାଚଳ ପ୍ରଦେଶ ମଧ୍ୟରେ ହେବାକୁ ଥିବା ମ୍ୟାଚ୍ ପୂର୍ବରୁ ସମସ୍ତ ପ୍ରସ୍ତୁତି ସମ୍ପୂର୍ଣ୍ଣ ହୋଇଥିବା ଜଣାପଡ଼ିଛି। ଏହି ଅବସରରେ ଜିଲ୍ଲା କ୍ରୀଡ଼ା ସଂସଦ ବଲାଙ୍ଗୀରର ସାଧାରଣ ସମ୍ପାଦକ କହିଛନ୍ତି ଯେ, ଖେଳାଳିଙ୍କ ସୁବିଧା, ସୁରକ୍ଷା ବ୍ୟବସ୍ଥା ସହ ଦର୍ଶକଙ୍କ ପାଇଁ ସମସ୍ତ ଆବଶ୍ୟକ ଆୟୋଜନ କରାଯାଇଛି। ସେ ଖେଳପ୍ରେମୀଙ୍କୁ ଅଧିକ ସଂଖ୍ୟାରେ ଆସି ମ୍ୟାଚ୍ ଉପଭୋଗ କରିବାକୁ ଆହ୍ୱାନ ଜଣାଇଛନ୍ତି।