जालना तालुक्यातील बापकळ-हातवण शिवारात सुरू असलेले अवैध गौणखनिज माती उत्खनन रोखण्यासाठी गेलेल्या ग्राम महसूल अधिकार्यावर हल्ला करून जेसीबी जबरदस्तीने पळवून नेल्याचा गंभीर प्रकार घडला आहे. शुक्रवार दि. 23 जानेवारी 2026 रोजी दुपारी 3 वाजता मिळालेल्या माहितीनुसार या प्रकरणी सचिन बाबुराव सावंत (रा. बापकळ, ता. जि. जालना) आणि रियाज सिकंदर सय्यद (रा. मंठा चौफुली, ता. जि. जालना) यांच्याविरोधात मौजपुरी पोलीस ठाण्यात गुन्हा दाखल करण्यात आला आहे. या संदर्भात ग्राम महसूल अधिकारी यांनी तक्रार केली.