धुळे शहरातील अशोक नगर परिसरात चोरी आणि घरफोड्यांच्या वाढत्या घटनांमुळे नागरिकांमध्ये दहशत निर्माण झाली आहे. चोरटे दिवसाढवळ्या घरे फोडत असल्याने महिलांपासून ज्येष्ठांपर्यंत सर्वजण असुरक्षित वाटू लागले आहेत. संतप्त नागरिकांनी अप्पर पोलीस अधीक्षक अजय देवरे यांना निवेदन देत तातडीने गस्त वाढवण्याची आणि चोरट्यांच्या टोळीचा बंदोबस्त करण्याची मागणी केली. पोलीस प्रशासनाने या गंभीर परिस्थितीवर तातडीने कारवाई करावी, अशी नागरिकांची अपेक्षा आहे.