धुळे शहरातील वनभवनसमोर व फाशीपूलजवळ साकारलेल्या ‘सूर्यनमस्कार मुद्रा’ प्रकल्पाचे आज लोकार्पण झाले. आमदार अनुप अग्रवाल यांच्या निधीतून ५० लाख खर्चून सूर्यनमस्काराच्या १२ मुद्रा उभारण्यात आल्या. उद्घाटन माजी केंद्रीय राज्यमंत्री डॉ. सुभाष भामरे व आमदार अग्रवाल यांच्या हस्ते झाले. आयुक्त नितीन कापडणीस व जिल्हाध्यक्ष गजेंद्र अंपळकर उपस्थित होते. आरोग्यदायी जीवनशैलीचा संदेश देणाऱ्या या प्रकल्पाचे मोठ्या उपस्थितीत कौतुक झाले.