ଉଦ୍ୟାନ ବିଭାଗ କାର୍ଯ୍ୟାଳୟ ସମ୍ମୁଖ ରାଜ ପଥରୁ ଅଜଗର ସାପ ଉଦ୍ଧାର ସମ୍ବଲପୁର ଜିଲ୍ଲା ରେଢ଼ାଖୋଲ ସହରର ଉଦ୍ୟାନ ବିଭାଗ କାର୍ଯ୍ୟାଳୟ ସମ୍ମୁଖ ଜାତୀୟ ରାଜପଥ ଉପରୁ ରବିବାର ସଂଧ୍ୟାରେ ଏକ ବିଶାଳ ଅଜଗର ଉଦ୍ଧାର କରାଯାଇଛି । ଅଜଗର ଟି ଗତ ଦୁଇ ଦିନ ହେବ ଏହି ଅଞ୍ଚଳରେ ବୁଲୁଥିବା ଜଣା ପଡ଼ିଛି । ତେବେ ଆଜି ସଂଧ୍ୟାରେ ସେ ଜାତୀୟ ରାଜପଥ ଅତିକ୍ରମ କରିଯାଉଥିବା ଦେଖି ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ । ଖବର ପାଇ ବିଭାଗର କର୍ମଚାରୀ ପହଞ୍ଚି ସାପକୁ ଉଦ୍ଧାର କରି ଜଂଗଲରେ ଛାଡି ଦେଇଥିବା ସୂଚନା ମିଳିଛି ।